ليه المبدعين قله وغالبا ما بنقول لا يتكررون ..
في اسباب تتعلق بالفرد وأسباب طبيعيه .
اسباب الفرد هو التميز والتفرد وتنوع الأفكار وغزارتها والقدره ..
زي نيوتن عنده مهاره فى الرياضيات وعنده افكار كثير خارجه عن الصندوق وعنده القدره علي تحويل الأفكار لمعادلات مثلا يعني بيشتغل في المجال .
والشروط الثلاثه دي صعب تتوحد في واحد أنه عنده المهاره وفي نفس الوقت يقدر يحلم بخياله وكمان بيشتغل في المجال ده .
أما الشروط الطبيعيه فهي لا اراديه يعني يتولد في الزمن المناسب علشان يقدر ينتج إبداعه ده ومش بس الزمن ده كمان المكان المناسب وكمان ظروف بيئيه مناسبه ومجتمع محيط مناسب يعني ام كلثوم وفريد وعبدالوهاب لو ظهروا في زمان مختلف ومكان مختلف وظروف مختلفه ولا كان ظهر لهم أي ابداع .
عمليه صعبه جدا سواء علي الفرد أو البيئه المحيطه والظروف الطبيعيه ..
علشان كده الابداع بدأ مع النصف الأخير من القرن الماضي يختفي تدريجيا في كل المجالات رغم زياده الحاجه اليه مع كل التطورات والتوزيعات في كل مناحي الحياة ..
فكان الحل وهو خلق المبدع وخلق بيئه الابداع وصناعه الابداع بتبني عناصره من خلال تكوين فرق تتكامل في خصائص الابداع بينهم الحالم وبينهم من يملك المهاره واخر لديه القدره علي التنفيذ وهكذا وخلق البيئه المحفزه وعقد جلسات العصف الذهني واكساب الفريق مزايا ومهارات فرق العمل ذاتيه الاداره ..
