هو ايه اللي حصل ؟!!
الحضاره يعني ايه ؟
يعني جيل بيفكر يبدع يبتكر ينتج يسلم الرايه لجيل بيبدع اكتر منه وبدوره يسلم الرايه لجيل افضل واقوي وهكذا يحصل تراكم في المعارف والمهارات وتحصل التنميه والتطوير والإبداع ده القانون الطبيعي ..
ممكن الدائره دي تتقطع بفعل فاعل فتنتهي حضاره وحلني علي تبدا من جديد ..
مثلا جينا عملنا ايه ؟
بعض القوانين زي تحديد الملكيه وقوانين العمل والقوي العامله قتلت الابداع والمنافسه وتفرغ الموظف للفساد وضمن مرتب بطعم المعاش .
في التعليم عملنا الاجابه النموذجيه اللي خلت الطلبه نسخ مكرره تحفظ بلا فكر فانهار التعليم والجيل ده بقي قطع سلسله التطور والتفوق المهاري والمعرفي وطبعا انتج جيل اضعف منه واسوأ وبالتالي اتقطعت سلسله التطور لاعلي واتحولت لسلسله تدهور لاسفل ساعد ده قرارات اداريه غير مدروسه النتائج علي المدي البعيد اتخذها افراد بدون رؤيه او قدره علي التفكير بعيد المدي ..
دي الحكايه وباختصار ..
والحل ؟!!
لازم تتكسر سلسله الهبوط وتتحول لصعود وده لازم يتم باعادة بناء البشر من اول وجديد .
اه والله
