العلاقه بين الحكومه والدوله والشعب لازم نفهم المعاني صح الحكومه هي الفريق المكلف من جانب الشعب بتنفيذ الخطط والاستراتيجيات اللي اقرها نواب الشعب في ضوء القانون الذي يقوم عليه سلطه قضائيه تفصل في الخلاف الذي قد ينشأ بين عناصر المجتمع والدوله هي المؤسسات المستقره التي تدير امور الحياه اليوميه .
عيش حريه عداله اجتماعيه
مافيش حرية من غير مسئولية، دى الحقيقة اللى غايبه عننا فى علاقتنا الحالية كمجتمع بالسلطة المركزية.
مثال: ازاى شاب اتخرج من الجامعة و لسه بياخد مصروفه من أهله، و يقول للى بيصرف عليه ( انا حر )
منطقيا غير صحيح. مفهومه عن الحرية مشوه.
ابسط شىء ان لو ابوه قطع عنه المصروف، مش هيقدر يتصرف بحرية ، اذن فهو عبد.
دى الحقيقة المصدمة اللى غرورنا و كبرياءنا عمينا عن رؤيتها.
على الصورة الكبيرة، ازاى بتطالب بالحرية ، وفى نفس الوقت بتطالب الحكومة المركزية بالأكل و الشرب و فرص العمل؟
طبيعى ان لو الحكومة بتتحكم فى اكلك و شربك و شغلك و تعيينك، فانت عبد ليها. دى الحقيقة اللى كبرياءنا بيرفض رؤيتها.
ازاى بتطالب ( بالحرية )، و حاطط معاها ( العيش ) فى شعار واحد؟!
و ازاى بتطالب الRuling class اللى هم متحكمين فى عيشك و اكلك و حياتك ( بالعدالة الإجتماعية ) ؟ عايزهم ياخدوك وسطيهم؟ مش منطق.
مش هيبقو Ruling Class لو ده حصل، و امتيازاتهم هتقل لو شوية مننا انتقلو للحياه معاهم لأن الميزان الإجتماعى ( بالنسبة لهم ) هيختل
لازم تتأكد ان رفاهية طبقة السلطة و رأس المال مرتبطة بفقر باقى المجتمع فى علاقة عكسية، كل ما الفقر زاد، كل ما زادت رفاهيتهم. مش هيسمحولك انك تلخبط استقرار الأمور ، مش هيسمحو غير بأن الوضع يبقى على ماهو عليه.
هو ده الاستقرار اللى بيطالبوك بيه، استقرارك فى الفقر و الجهل و المرض، حتى تستقر امتيازاتهم و رفاهيتهم.
هم دول اللى بيمثلو دور الدولة، و ترعى الدولة، وتكفل الدولة، و ترضع الدولة، و المجتمع زى الطفل الأرعن اللى مش عايز ينضج و يكون مسئول عن نفسه.
مافيش حرية مع استمرار الدعم، الدعم حجتهم لسرقتك
مافيش حرية مع تعيين حكومى، الحكومة اتخلقت عشان الحماية فقط مش عشان تشتغل عندها و تذلك و تتحكم فى حياتك و تطبع فلوس عشان تدفعلك مرتبك.
دور الحكومة المركزية لازم يتقزم فى حياتنا، و نشيل مسئولية نفسنا، محدش يقدر يشوف قوة المجتمع الحقيقية طول ماهى متعطلة.
عمرك ما هتقدر تعرف امكانيات محافظتك الحقيقية، طول ما انت ماتعرفش ايرادات ضرايبها و رسومها و مواردها اد ايه.
ماينفعش الحكومة تستلف ديون وتسيبك و تسيب اولادك يسددو فيها بحجة انها محتاجه تصرف عليك.
بتطالب بالحرية؟ دور عليها جوه نفسك، و حرر نفسك من احتياجك لأى سلطة عليك.
