لان بالعقل كده تغيير يعني مستقبل طيب نقيمه ازاي بمقاييس الماضي ما حلو ووحش دي بتعتمد علي خبراتنا السابقه يعني نقيس المستقبل بخبره الماضي يبقي عمرنا ما هنقبله ..
أهم ما في التغيير إن الناس تقاومه كده يبقي إسمه تغيير . وبالتكرار تعتاده .
طيب نقيس التغيير ازاي ؟
ايوه .. نقيسه بمعيار الاهداف هل هو ماشي في اتجاه اهدافي ولا لا وبالتالي نقدر نتحكم فيه ونعدله او اصح نغيره
وبالتالي تكون الحياه سلسله من التغيرات لا تنتهي حلوه لو مطابقه لخططنا وحشه لو معندناش اهداف وخطط .
التغيير حتمي لا تملك الا أن تتغير شكلك بيتغير نمط حياتك بيتغير افكارك بتتغير كله كله كله ..
وطبيعي جدا ان اكثر الناس تقاوم التغيير لانهم بيفضلوا الراحه علي التفوق يعني تنقل واحد لقصر يقولك لا انا برتاح وبحب شقتي الصغيره . ذاكر علشان تطلع الاول يقولك انا كويس كده ده غير انهم بيخافوا من التغيير وعلشان كده ربنا سبحانه وتعالى عمل لكل المخلوقات عمر محدد يتناسب مع قدرته علي قبول التغيير ..
الحل انك ما تقفش في وش التغيير هيدوسك لكن الاحسن انك انت اللي تصنع التغيير بنفسك بما يناسب خططك وطموحاتك .
هو انا اللي هغير الكون ؟
ايوه انا اللي هغير الكون لان القاعده بتقول ان كل تغيير يؤدي إلى تغييرات معني كده اني او اتغيرت في اتجاه يبقي في حد تاني هيتأثر ويتغير مش ضروري في نفس الاتجاه المهم انه هيتغير وبالتالي عجلة التغيير هتدور بدون ما نشعر طالما في اتجاه اهداف متفق عليها يبقي النتائج هتيجي مبهره وسريعه.
"إن الله لا يغير ما بقوم حتى يغيروا ما بأنفسهم" الرعد ١١
