1️⃣ التكدّس: وده حصل بالفعل ناس كتير دخلت الفترة الي فاتت في الذهب مع مضاربات عالية
2️⃣ الشرارة: حاجه تتسبب في بداية البيع وده مش لازم تكون خبر كارثي وده بالفعل حصل زي:
- انخفاض اسهم شركات التكنلوجيا والناس محتاجه تغطي خسايرها فتبيع الذهب
- صدمة تعيين كيفن وارش في الفدرالي وده المفروض حيخفض الفايدة
3️⃣ صدمة السيولة مش تصحيح: وهنا المشكلة تبدأ تظهر لما اوامر الشراء تقل والمشترين يبتدوا يختفوا والفرق بين سعر الشراء والبيع يكبر، يعني من الاخر الكاش مبقاش بيدخل في الذهب وبيروح لحته تانبه بسبب الشرارة الي عملت كده اشارة للكبار يحولوا فلوسهم لربح اكبر
4️⃣ لعبة الهامش (Margin)و الرافعة المالية (Leverage) هي باختصار وسيلة تخليك تتاجر بمبالغ مش معاك علشان تكسب مكاسب ضخمه
تخيل أنك عايز تشتري سبيكة سعرها 1000$، وانت معاك 100$
البورصة (أو الوسيط) تقول لك: حديلك رافعة مالية 1:10
هذا يعني أنك حتدفع الـ 100 دولار (هامش)، والبورصة حتقرضك الـ 900 دولار الباقية علشان تشتري السبيكة كاملة
كده أنت بتتحكم في سبيكة بـ 1000 دولار وأنت ممعكش إلا عُشر ثمنها
😁 ازاي تكسب بقه!
إذا ارتفع سعر الذهب 10% (يعني سعر السبيكة 1100 دولار)، أنت تبيع السبيكة ترجع للبورصة الـ 900 دولار التي اقترضتها يتبقى معك 200 دولار (الـ 100 الأصلية + 100 ربح)
النتيجة: السعر زاد 10% فقط، لكن رأس مالك زاد 100% (تضاعف)!
😬 بس برضه ممكن تخسر
إذا انخفض سعر الذهب 10% فقط (أصبح سعر السبيكة 900 دولار)، هنا رأس مالك (الـ 100 دولار) تبخر تماماً لأن السبيكة فقدت قيمتها التي كنت تضمنها بمالك الخاص.
البورصة مش حتخسر معك؛ بمجرد أن يقترب السعر من خسارة الـ 100 دولار بتاعتك حيبعتولك لك رسالة مرعبة اسمها "نداء الهامش" (Margin Call)
"يا فلان، خسارتك وصلت لقرب رأس مالك، إما أن تضع 100 دولار أخرى فوراً لتأمين القرض، أو سنقوم ببيع ذهبك آلياً وبأي سعر متاح لنسترد أموالنا"
ايوه قولها متتكسفش ... قمار!
لما هبطت أسهم التكنولوجيا، خسر المستثمرون مبالغ ضخمة، فجالهم "نداء الهامش" من البورصة: "هاتوا كاش فوراً وإلا حنقفل صفقاتكم"
المستثمر ممعوش كاش، يعمل ايه؟
يبيع اكتر حاجه كسبانه الذهب علشان يوفر الكاش ويسدده للبورصة في صفقات الأسهم
5️⃣ "رفع الهامش" (Margin Increase): وده الي حوّل الهبوط العادي إلى انهيار ميكانيكي شامل
البورصات زي مثلا بورصة شيكاغو CME لما شافات اسعار الذهب بتنهار خافوا على فلوسهم فغيروا قواعد اللعبه فجأة
رفعوا متطلبات الهامش بنسبة كبيرة قام المتداول الي كان بيفتح العقد بـ 10 مطلوب منه 15 ألف دولار فوراً لنفس العقد
حتى المستثمر القديم كان قدام خيارين:
إما يوفر مئات الملايين من الدولارات "كاش" في ثوانٍ لتغطية فرق الهامش الجديد
أو النظام يقفل صفقاته (بيع ذهبه) آلياً لأنه معندهوش الي يغطي التأمين الجديد
بسبب رفع الهامش، آلاف المتداولين باعوا في نفس اللحظة (لأنهم معندهومش الكاش الإضافي)
بيع جماعي ⬅️ هبوط السعر أكثر ⬅️ تفعيل "نداء هامش" لمتداولين آخرين ⬅️ بيع أكثر فهمت ليه بقولك هندسة ميكانيكية لانهيار السوق!
ليست هناك تعليقات:
إرسال تعليق