الملعب اللي هيتلعب عليه مباراة اليوم بين مصر واستراليا في نهائيات كأس العالم ٢٠٢٦ في امريكا اسمه AT&T وده اسم شركه اتصالات هواتف وشبكات واليكترونات والملعب اللي لعبنا عليه قبله كان اسمه Levi's ودي طبعا شركه ملابس جينس وحصل ان الفيفا حاولت تغطي اسم الملعب بقماش علشان مايبقاش دعايه فخدت الشركه الصوره وعملتها لوجو علي صفحاتها بذكاء .....
ده معناه ايه في العالم المتقدم معناه ان كل شركه او نشاط عليه حاجه اسمها المسؤوليه الاجتماعيه لازم يصرف فلوس كثير من ارباحه لتنميه المجتمع اللي هو فيه اما في التعليم او الصحه او الاسكان او الرياضه يدفع منح لطلاب تتعلم ببلاش يدفع للبحث العلمي لتطوير الدواء او الاجهزه الطبيه يدفع للميكنه الزراعيه المهم يكون له دور يناسب حجم انشطته لرعايه المجتمع وتطويره كمان علشان المجتمع لما يتطور هيبقوا عملاؤه فهو كمان يقدر يستمر .. محدش بيجبره غير الاعلام والضغط الشعبي لو ما عملش تتقاطع منتجاته لحد مايفلس . ده للشركات الكبيره بس لا للكل حتي الافراد زي الممثلين والمشاهير من المحامين الاطباء اللاعبين لازم يكون فيه مسؤوليه اجتماعيه طيب المسؤوليه داخل الاقليم فقط لا طبعا في العالم كله ممكن تلاقي بل جيتس بيوجه تبراعاته كمنح تعليميه لاهل افريقيا او غذائيه او علاجيه ...
عكس بلاد اخري بتستغل فقر الناس وضعفهم لتحقيق مكاسب ولما الناس ما تقدرش يقولك السوق ضعيف ...
فكر في المسؤوليه الاجتماعيه تجدها سبب رئيس في استمرار الحياه وتطور المنظمات والدول زي المنظمات دي لو لا قدر الله تخلت عن المسؤوليه الاجتماعيه التنظيم ينهار ويقع فريسه في ايادي جديده لتعيد البناء .. ونقولها تسلم الايادي .
ليست هناك تعليقات:
إرسال تعليق