مشكله ‏التقييم ‏في ‏المؤسسات ‏العربيه

عندنا مشكله مزمنه في التقييم !!
ليه التقييم مهم ؟
لأنه من أهم عناصر العمليه الاداريه كلها التخطيط بيتم بناء علي ما تم تقييمه اتخاذ القرارات بيتم بناء علي ما تم تقييمه وضع النظم وتقدير النفقات وحساب المخاطره وتوجيه الناس كله كله بيتم بناء علي عمليه التقييم ..
تخيل سيادتك انك لا تملك ادوات موضوعيه للتقييم اللي هي المعايير يعني بالبلدي معندكش عددات في السياره ولا تعرف المنسوب الامثل للزيت ولا كميه الوقود مثلا تخيل قراراتك وحياتك هتكون ازاي ..
كمان عندنا شخصنه للتقييم يعني تصرف بيقوم بيه فلان اللي بنحبه نقول عليه مبدع وعبقري ونفس التصرف يقوم بيه علان ما بنحبوش نقول عليه مجنون وغبي !!!
تصرف نعتبره مخالفه جسيمه ومره ثانيه نعتبره بطوله وشجاعه ..
المرض ده مش جديد ده يمكن كلنا وارثينه وجزء من تكوينا .
وبناء عليه اغلب قراراتنا وجهودنا وعملنا لا يحقق أي شئ حقيقي مقارنه بالمنافس العالمي اللهم الا ما ندعيه لانفسنا من نجاح
امسك اي صناعه زراعه سياحه طيران شحن نقل طب هندسه اي حاجه اي حاجه هتلاقي اللي بنقدمه للبشريه علي المستوي المؤسسي مش الفردي ضعيف جدا او يكاد يكون معدوم ..
لازم نعالج ده ازاي؟!!
اول حاجه نعترف بالخلل
الثانيه نحدده ونعرفه تعريف وتحديد واضح .
الثالثه نجمع كل المعلومات والافكار عن اسبابه
الرابعه نحلل المعلومات دي ونستخلص النتايج ونستوعبها
الخامسه نقترح اكبر قدر من الحلول
السادسه نقييم بمعايير موضوعيه الحلول  دي ونختار انسبها للتنفيذ .
السابعه نتوكل علي الله ونبتدي العلاج ونعتمد معايير موضوعيه محدده مفيهاش يجوز ويمكن ويستثني وغيرها .
علاج معضله سوء التقييم والتقييم الغير موضوعي بدايه طريق اصلاح المؤسسات الحقيقي ...